Sanción de 110 millóns de euros a Facebook por mentir durante a compra de WhatsApp
xoves, 18 de maio do 2017
A
finais do pasado ano a comisaria europea Margrethe Vestager anunciou
que consideraban que Facebook mentira á Comisión na investigación de 2014 sobre
a compra de WhatsApp, por asegurar que cruzar contas de usuario entre ambas
plataformas serÃa imposible, o que resultou claro que non era asà cando o
pasado verán WhatsApp mudou as súas condicións de uso precisamente para
permitir o cruzamento de datos de usuario con Facebook con finalidades
publicitarias. Analizada a situación e escoitadas as explicacións de Facebook a Comisión Europea
decidiu imporlle unha sanción de 110 millóns de euros por achegar
información incorrecta ou confusa durante a citada investigación.
Vestager declarou que «a decisión de hoxe manda unha clara mensaxe ás empresas
de que deben cumprir con tódolos aspectos das normativas de fusión da Unión
Europea, incluÃndo a obriga de achegar información correcta. (..) A Comisión
debe ser quen de poder tomar decisións sobre os efectos das fusión na
competencia cun coñecemento pleno dos feitos».
Cando Facebook solicitou a autorización en 2014 para mercar WhatsApp asegurou
que era tecnicamente imposible que as contas de usuario de Facebook e WhatsApp
puideran cruzar datos ou fusionarse, o que tivo un claro impacto no prace da
Comisión, que á vista da situación actual no mercado da mensaxerÃa instantánea
posiblemente non se terÃa producido (xa que actualmente Facebook está a ostentar
unha posición moi próxima ao monopolio en Occidente).