A ConsellerÃa de Cultura, Educación e Ordenación Universitaria actualiza a súa páxina web coa vista nos dispositivos móbiles
luns, 24 de setembro do 2018
A AMTEGA vén de actualizar o portal web educativo da ConsellerÃa
de Cultura, Educación e Ordenación Universitaria a un deseño renovado, máis
atractivo e innovador. A nova web, na que os usuarios poden acceder dun xeito
máis dinámico á información, presenta unha nova funcionalidade adaptativa, o
que vai permitir a correcta visualización dunha mesma páxina en distintos
dispositivos (portátiles, móbiles, tabletas…), xa que redimensiona e coloca os
elementos publicados de forma que se adapten ao ancho de cada dispositivo.
O acceso dende un dispositivo móbil ao portal
da ConsellerÃa de Cultura e Educación foi aumentando paulatinamente nos últimos
meses, chegando ao 30% na actualidade. Con esta nova funcionalidade, todas
estas consultas ao portal educativo amosaranse de xeito simplificado, cunha
visualización máis doada e máis facilidades na navegación, o que redundará nun
acceso máis áxil aos contidos desexados.
Asà mesmo, o portal educativo presenta unha
estrutura unificada co resto dos portais da Xunta de Galicia, o que redunda
nunha maior accesibilidade para os usuarios, xa que atopan referencias
similares en todas as páxinas web.
Este espazo mantén o seu obxectivo de ser a
canle de referencia da comunicación para a comunidade educativa. Neste sentido,
para facilitar o acceso aos diferentes contidos, está estruturada por colectivos,
temas, etc. de tal modo que os usuarios poden acceder a través dunha única ligazón
aos contidos e servizos relacionados co seu perfil.