A Coruña oferta máis de 800 prazas para formación gratuíta en liña en nova mercadotecnia
mércores, 22 de xuño do 2022
O
Concello da Coruña, a través da Concellería
de Educación, Memoria Histórica, Innovación, Industria e Emprego,
ofrece un novo catálogo de accións formativas en liña para ampliar
as habilidades no mundo laboral. O prazo de inscrición será do
20 de xuño ao 4 de xullo, día que darán comezo os cursos; a
matrícula pode realizarse dende
a web municipal de Emprego. A convocatoria incluirá máis de 800
inscricións en materias relacionadas co comercio innovador e a nova
mercadotecnia: comercio electrónico e venda en liña, teletraballo,
call centers, comunity managers,
satisfacción ao cliente ou calidade e resolución de queixas.
“Todas
as accións formativas están dirixidas a competencias moi demandadas
na dixitalización que está a experimentar o mercado actual”,
explica o Concello, engadindo que estes cursos serán cen por cen en
liña, dispoñíbeis e accesíbeis na modalidade 24/7, é dicir,
durante as 24 horas do día, calquera día da semana. Terán
preferencia na matrícula as persoas maiores de 16 anos que estean
empadroadas no concello da Coruña e serán de balde para residentes
no municipio.
Anterior
convocatoria de formación en liña
O
pasado mes de marzo, o Concello da Coruña abriu unha convocatoria de
formación en liña, con 13 cursos programados de idiomas en
diferentes linguas e niveis (inglés, alemán e francés), así como
10 da rama de administración de empresas con especializacións en
seguridade informática, sinatura dixital, rexistros electrónicos,
trámites en liña, interpretación da linguaxe corporal,
comunicación persuasiva, control emocional ou habilidades
directivas.
Na
convocatoria de marzo ofertáronse un total de 700 prazas, das que se
solicitaron 596 matrículas, 336 en idiomas e 260 en administración
de empresas.
Continúan
os cursos de Coruña Suma
Ademais
da formación en liña, o Concello da Coruña ten en marcha o
proxecto Coruña Suma, unha iniciativa co-financiada polo Fondo
Social Europeo que pretende mellorar a inserción laboral de persoas
en desemprego. Ata o mes de setembro, no marco de Coruña Suma está
previsto o inicio de outros 6 cursos de formación para persoas
desempregadas:
7 de
xullo. Rexistros contábeis.
14
de xullo. Técnicas administrativas básicas de oficina.
26
de xullo. Alteracións dexenerativas, demencias e alzhéimer.
7 de
setembro. Programación orientada a obxectos con JAVA.
1 de
setembro. Técnicas de recepción e comunicación.
15
de setembro. Xestión comercial de clientes con novas tecnoloxías.
Coruña
Suma forma parte da batería de medidas postas en marcha polo goberno
de Inés Rey durante o actual mandato para o fomento do emprego. A
información pode consultarse na
web de Coruña Suma.
