A Deputación da Coruña visita o coworking da Capela, que xa está a pleno rendemento
venres, 22 de outubro do 2021
Esta
semana, o
presidente da Deputación da Coruña, ValentÃn González, visitou o
espazo de coworking da Capela, un dos novos centros de
emprendemento innovador impulsado na provincia, abeirado á Rede de
Espazos de Traballo Colaborativo da Deputación. O presidente
salientou o empuxe do coworking da Capela, que malia ter
aberto as súas portas hai ben pouco, xa conta con trece proxectos
empresariais aloxados nas súas instalacións. Na visita ValentÃn
González estivo acompañado do alcalde da Capela, Manuel Meizoso.
As
instalacións sitas no primeiro andar do antigo centro de saúde das
Neves contan cunha superficie de preto de 180 metros cadrados e
capacidade para acoller ata once persoas emprendedoras. A Deputación
e o Concello da Capela sumaron forzas para acondicionar este espazo a
través de actuacións de renovación que contaron cun investimento
de 75.000 euros, dos que o 80% (60.000 euros) foron achegados polo
ente provincial.
O
edificio pretende ser referente na creación de emprego e na
reactivación da economÃa no rural. "Iniciamos a andaina dun
novo centro de coworking provincial co que desde a Deputación,
xunto co Concello da Capela, buscamos ofrecer novas oportunidades á
mocidade e reactivar a economÃa e o emprego no rural para evitar o
despoboamento a través da creación de novos postos de traballo",
sinalou González Formoso. O centro recibiu xa ás primeiras persoas
usuarias a comezos de outubro e conta na actualidade con trece
iniciativas, atopándose case ao 100% da súa capacidade.
A
zona de traballo divÃdese en 3 oficinas modulares con mesas,
cadeiras, armarios, enchufes e tomas de conexión de banda ancha,
ademais dun espazo de traballo conxunto con 8 postos e unha ampla
sala de reunións. Nas instalacións acolleranse proxectos
pertencentes a sectores como o de organización de eventos, pasando
por empresas de experiencias turÃsticas no Eume, reparación e
custodia de cavaranas, ocio e coidado infantil, ata negocios de
asesoramento financeiro, construción de vivendas sustentábeis e
eficiencia enerxética.
O
coworking da Capela foi o sétimo centro en sumarse á Rede de
Espazos de Traballo Colaborativo da Deputación que a dÃa de hoxe xa
integran nove centros: o Pazo de Arenaza en Oleiros, o coworking
de Carballo, Daquà Darredor en Brión, Lab Barbanza de Boiro, A
Proa en Ames, A Fusquenlla en Moeche, A Estación de Vedra e o Green
Coworking das Pontes.