A Deputación de Pontevedra conmemora con drons o regreso á provincia de La Vuelta

O presidente da Deputación de Pontevedra, Luis López, anunciou a realización dun innovador espectáculo de luz e son para conmemorar, no paseo de Alfonso de Baiona, o regreso de La Vuelta á provincia. A actividade, que empregará 120 drons, será o vindeiro luns ás 22 de horas.
Lembrar que La Vuelta volve á provincia o vindeiro martes, 27 de agosto, cunha etapa de 160 quilómetros con saída en Ponteareas e chegada en Baiona. “Somos a provincia do deporte, E para celebralo como se merece, ideamos este espectáculo tan innovador como atractivo que servirá para quentar a previa da chegada do pelotón”, avanzou o mandatario provincial.
O espectáculo comezará ás 22 horas do vindeiro luns. Desde o club de iates de Baiona despegarán arredor de 120 drons para, ao compás da música, debuxar figuras con luz no ceo nocturno relacionadas coa natureza, co deporte, coa provincia e con La Vuelta.