A Deputación de Pontevedra e ASIME loitarán contra a fenda de xénero STEM co proxecto Tecnolóxicas

A semana pasada deu comezo o proxecto Tecnolóxicas, unha iniciativa da Deputación de Pontevedra e a a organización de empresas do metal ASIME para loitar contra a fenda de xénero no sector tecnolóxico e industrial e “xerar unha cultura de talento feminino para enriquecer este eido”. O proxecto arrincou coa xornada As mulleres en Enxeñaría, a través da cal visualizáronse e reivindicáronse as importantes contribucións femininas ao ámbito STEM, pasadas, presentes e futuras. Precisamente un dos obxectivos de Tecnolóxicas é conseguir que as mozas que están pensando neste intre en cara a onde dirixir o seu futuro teñan en conta como unha opción viábel e enriquecedora as carreiras STEM (Ciencias, Tecnoloxía, Enxeñaría e Matemática).
Á xornada asistiron a presidenta provincial, Carmela Silva, e o secretario xeral de ASIME, Enrique Mallón, e contou coa participación de catro mulleres directivas: Lorena Rosende, directora de Itera Técnica; Antía Fernández López, directora de Innovación para Mercados Estratéxicos do Centro Tecnolóxico Gradiant; Marta Fernández Docampo, responsábel sénior de Gestamp e Chelo Domínguez, directora de GKN Vigo. Como destacou Carmela Silva, son “mulleres de absoluto éxito que xogan un papel fundamental nas súas empresas e cuxo testemuño puxo de relevo a necesidade dun proxecto como Tecnolóxicas".
A presidenta da Deputación incidiu en que se trata dunha iniciativa piloto que vai comezar de xeito inminente xa con 10 mulleres e 10 empresas, "un proxecto potente e ben pensado que nos vai permitir avaliar, documentar e ir cos datos debaixo do brazo" para solicitar o apoio doutras administracións a fin de abordar o reto de reducir a fenda de xénero neste sector. Carmela Silva volveu destacar que os alarmantes datos de matriculación de mulleres nas titulacións STEAM, que supoñen o 20% do total, están a amosar "que estamos a perder a metade do talento". Abundou tamén en que nas mulleres que finalmente optan por estes estudos, "as directivas son rara avis, pero se a sociedade quere avanzar temos que actuar para transformar esta situación" e neste camiño se atopa o proxecto. Nese senso, agradeceu tamén a implicación do sector empresarial que representa ASIME eA Deputación de Pontevedra e ASIME loitarán contra a fenda de xénero STEM co proxecto Tecnolóxicas
A semana, especialmente dos seus directivos Enrique Mallón e Lorena Rosende, por idear Tecnolóxicas, que permitirá que mulleres tituladas poidan ter contratos en empresas seleccionadas para tal fin e co obxectivo de especializar os seus coñecementos e convertelas en "líderes en dirección e tecnoloxía, en referentes nesta contorna onde viven".
O secretario xeral de ASIME, Enrique Mallón, agradeceu o apoio da Deputación e especialmente "o bastión da igualdade" que defende Carmela Silva e subliñou que no reto proposto é tamén fundamental "a implicación dos homes, de toda a sociedade", poñendo como exemplo tamén a paridade dentro de ASIME. "Hai que elevar o número de rapazas nestas titulacións e nos postos de responsabilidade. Emociónanos este proxecto e ten que saír ben. Hai que levalo e multiplicalo. Tecnolóxicas debe ser algo continuo durante moito tempo para cambiar a situación actual que é preocupante. Por parte de ASIME imos continuar isto ata que se supere. E ogallá que sexa pronto".