A EET de Vigo prepara aos estudantes contra o cibercrime
luns, 13 de novembro do 2017
A Escola
de EnxeñerÃa de Telecomunicación (EET) da Universidade de Vigo
acolle este luns e martes un seminario de perspectivas de mercado en
protección informática impartido por CyberSOC Academy. A
actividade, inserida no programa de actividades da Cátedra Deloitte
de Ciberseguridade (creada en decembro do ano pasado para promover
competencias profesionais na dita materia entre o alumnado
universitario e outros profesionais), ten o obxectivo de mostrar as
amplas posibilidades laborais que se abren se nos orientamos cara a
salvagarda da información e das tecnoloxÃas que lle son parellas,
especializándonos en recursos e tecnoloxÃas intelixentes para
atallar as ameazas do cibercrime, cada vez máis frecuentes,
intelixentes e especializadas.
Este seminario está dirixido a investigadores e
estudantes de mestrado do eido tecnolóxico, preferentemente, asÃ
como persoal do centro de investigación AtlantTIC. A docencia
desenvólvese hoxe luns e mañá martes e abrangue dez unidades nas
que se abordarán temas como as ameazas da rede, o fraude, a
enxeñarÃa social ou os malware como virus, spyware,
ransomware, troianos ou phishing (suplantación de identidades co
fin de roubar datos ou cartos). Tamén se tratarán temas como o
hacktivismo, os mercados negros e o tratamento da información,
o roubo e almacenamento de datos de inicio de sesión, os
contrasinais, as infeccións en dispositivos móbiles, as
contramedidas para facer fronte a ataques ou as tendencias neste eido
segundo os SOC (Security Operation Centers).