A EGAP inicia un curso sobre Dereito TIC
martes, 11 de xuño do 2019
A Escola Galega de Administración Pública deu
comezo esta tarde a un curso monográfico centrado no Dereito TIC e no
cumprimento normativo que terá lugar en Santiago de Compostela durante o mes de
xuño.
Esta actividade incidirá nos cambios normativos máis recentes
que afectan ás novas tecnoloxÃas, coma o Regulamento xeral de protección de
datos, e tamén naqueles aspectos esenciais do eido dixital coma o comercio
electrónico, a propiedade intelectual ou os delitos tecnolóxicos. Ademais, o
curso incluirá dous módulos centrados no compliance ou cumprimento
normativo, facendo fincapé en materias concretas como a prevención da
corrupción ou a cultura do cumprimento corporativo.
Durante a inauguración do monográfico a directora da EGAP,
Sonia RodrÃguez-Campos, resaltou a importancia de convocar actividades
formativas nestas materias, xa que resultan esenciais para promover dentro do
sector público a transparencia, a rendición de contas e o bo goberno. Deste
xeito, incidiu, a Escola contribuirá a potenciar aqueles valores que
identifican ás organizacións como entidades responsables e comprometidas co seu
contorno económico, social e cultural.
Finalmente, Sonia RodrÃguez-Campos quixo destacar que o
cumprimento normativo é un deber para todas as organizacións, pero especialmente
para aquelas pertencentes ao sector público, polo que o reforzamento das
polÃticas de integridade institucional resulta básico para cumprir coas
esixencias dunha sociedade que demanda servizos de calidade procedentes de
entidades comprometidas coa ética e coa transparencia.
