A Eurovisión da Intelixencia Artificial celebrarase en novembro na Coruña e contará co apoio do CITIC

O Centro de Investigación TIC (CITIC) da Universidade da Coruña vai participar activamente, coa súa longa e frutífera experiencia en desenvolvemento de tecnoloxías avanzadas, na realización do evento AI Song Contest 2023, cuxo obxectivo é converter A Coruña na capital mundial da música creada con Intelixencia Artificial é o obxectivo do AI Song Contest 2023.. O acontecemento, que se coñece como a Eurovisión da IA, desenvolverase no CSA da Cidade das TIC o 4 de novembro. Ao abeiro deste certame, o CITIC da UDC mostrará o potencial das tecnoloxías intelixentes en diferentes eidos creativos e artísticos como o da música.
A cita deste ano leva por lema Walking With AI (O Camiño da IA) e celebra a diversidade de xeitos de traballar a Intelixencia Artificial na música no panorama internacional, cos artistas no centro do proceso de composición.
Desde este mes de xullo e ata o 4 de setembro fica aberto o convite a participar dirixido a artistas, seareiros da IA e outros perfís vencellados á innovación cultural de todo o mundo, para presentaren a súa composición co-creada con IA.
A organización agarda recibir composicións musicais de todos os xéneros, desenvolvidas conxuntamente por equipos multidisciplinares compostos por músicos, técnicos ou enxeñeiros con axuda da IA.
Temos máis información sobre prazos, programación e contido na web do evento.