A Fundación Galicia Europa renova a súa páxina web
luns, 8 de agosto do 2022
A
Fundación Galicia Europa (FGE) vén de renovar a súa páxina
web para “ofrecer unha mellor información sobre as políticas
europeas e a participación de Galicia nos asuntos comunitarios”. A
entidade pretende deste xeito poñer en valor as súas tres décadas
de experiencia na capital comunitaria para mostrar polo miúdo a
actividade da UE “dende un punto de vista galego”, poñendo o
foco nas novas iniciativas lexislativas e políticas que propón a
Comisión Europea.
A
web da FGE tamén dá a coñecer as diferentes canles utilizadas para
a defensa dos intereses de Galicia na UE: dende a participación no
Comité Europeo das Rexións ou o Consello ata as visitas
institucionais, pasando pola participación en redes de cooperación
rexional ou en foros de ámbito europeo. Así, o novo portal conta
cun apartado de actualidade no que se recollen novas sobre a Unión
Europea, sobre Galicia na UE, sobre as actividades da FGE e sobre
EuroXuventude, a canle dirixida á xente nova galega.
Ademais
aparecen seccións novas como Análise FGE, un apartado con
informes sobre os temas máis importantes a debate na UE dende unha
perspectiva galega, ou Axenda, que compila os actos pasados e
futuros sobre a participación galega nos asuntos comunitarios así
como os grandes eventos de ámbito europeo.
Outra
nova sección recolle todos os boletíns mensuais da FGE, que fan
unha escolma das novas, eventos, consultas públicas e convocatorias
de financiamento máis relevantes dende o punto de vista galego. A
web continúa cunha sección específica sobre as posibilidades de
financiamento comunitario, na que se pode consultar a nova Guía
2021-2027 que dá unha visión xeral das distintas fontes
dispoñibles así como recomendacións sobre como acceder a elas.