A GDC 2021 celebrarase virtualmente
venres, 19 de febreiro do 2021
O pasado verán a Game Developers Conference (GDC), a principal
feira para desenvolvedores de videoxogos a nivel mundial, tivo
que reformularse como unha conferencia totalmente dixital ante a crise
sanitaria, e como para a edición de 2021 tiveron tempo dabondo para anticipar
a situación e asà modificar a súa planificación pensando xa dende o comezo nun
evento en liña.
Este ano a GDC chega a súa 35ª edición e, en vez de optar polo seu tradicional
formato que concentra unha chea de actividades nunha semana (precisamente polas
limitacións de axenda propias dun evento presencial) optan por organizar unha
serie de eventos que ofrecerán contido seleccionado de alta calidade con xeitos
máis flexibles para acceder aos mesmos a través da Internet, asà como de
celebrando conferencias virtuais que ofrezan oportunidades de interacción entre
os participantes.
O primeiro dos eventos que celebrarán será a GDC Masterclass do 4 ao 5 de marzo,
nunhas xornadas de obradoiros virtuais para grupos reducidos; do 15 ao 19 de
marzo terÃa lugar a GDC
Showcase, un evento dixital de asistencia de balde, na que haberá
presentacións, sesións de preguntas, podcasts en directo... coa participación
de desenvolvedores reputados; e finalmente a GDC
2021 terá lugar entre o 19 e o 23 de xullo, no que haberá unha completa
programación de actividades paralelas sen esquecer as súas galas de premios o
21 de xullo (a IGF para xogos independentes e a GDCA, que recoñecerá o mellor
da industria). As galas de premios poderán seguirse
a través de Twitch.