A Guarda acolle este 7 de agosto o comezo da primeira edicióin do seu Skeirrum local
venres, 5 de agosto do 2022
A
Guarda vai acoller este 7 de agosto o comezo da primeira edición do
Skeirrum local, unha experiencia que dá unha viraxe
innovadora ao formato das scape room pero poñendo o foco na
historia do concello e outorgándolle un sabor propio e particular. A
iniciativa vén da man de Cintia Lomba e Erea Rodríguez, dúas
rapazas naturais da Guarda que veñen de concibir un proxecto
empresarial (o Skeirrum) como unha mestura e xogo da busca de
tesouro, de scape room e de xogo en liña.
De
feito, Skeirrum é unha
proposta deseñada para ser emrpegada a través dunha aplicación
móbil específica, co obxectivo de converter cada partida “nunha
experiencia única”. Isto combínase cunha clara vontade de vivir
aventuras en espazos pechados pero tamén (sobre todo) ao aire libre.
Esta
experiencia pódese adaptar a calquera lugar: aldeas, vilas, cidades,
parques naturais, rutas de sendeirismo, museos, etc.
O
día 7 de agosto, ás 19:00h, comezará na praza de Avelino Vicente
da Guarda a inauguración da iniciativa A Guarda Misteriosa,
evento dirixido á poboación xuvenil e adulta con desexos de
enfrontarse ao desafío que lles propoñen as autoras. O obxectivo é
“por en valor a historia e o patrimonio da Guarda a través dunha
aventura ao estilo das buscas do tesouro”.
Segundo
informou o Concello, co-impulsor da actividade, o servizo funciona a
través dunha aplicación web para smartphones á que se
accede mediante códigos QR. Esta experiencia terá lugar no casco
urbano da Guarda poñendo así en valor todos aqueles recursos que
ofrece o territorio.
Está
previsto que esta primeira street escape
da Guarda sexa gratuíta e permaneza activa durante un ano, pero
“para o seu lanzamento as autoras están organizando un gran
evento”, informou o Concello, engadindo que o obxectivo é “pasar
unha tarde divertida, convocando a moitos participantes e premiando
aos gañadores”. Para isto, Cintia e Erea convidan ás empresas
locais a colaborar co evento: “Calquera contribución será ben
recibida e é unha boa forma de darlle visibilidade ao comercio
local”.
Para
colaborar contactar con info@skeirrum.com.