A HobbyPont de Pontevedra recupera este venres 3 o seu formato presencial
luns, 30 de xaneiro do 2023
O
concelleiro de Novas Tecnoloxías de Pontevedra, Alberto
Oubiña, presentou a semana pasada a nova edición (a cuarta) do
evento internacional Global Game Jam, a HobbyPont na súa versión
local, cita que alcanza o seu segundo ano de celebración e que
está programada para o vindeiro venres, 3 de febreiro. O Concello
colabora coa organización deste evento, que regresa logo da súa
primeira edición en 2022. O escenario será o Centro Leste, no
barrio da Parda.
A
jam pontevedresa é un convite para que as persoas
desenvolvedoras dean forma a un videoxogo en 48 horas. O venres
comezará o reto os participantes terán até o domingo, até ás 17
horas deste día, para presentar os traballos. “É un evento que se
desenvolve en máis de 700 localizacións en todo o mundo de xeito
paralelo. Animamos a todo o mundo que participe na de Pontevedra”,
sinalou o concelleiro, engadindo que no ano 2020 participaron preto
de 48.000 persoas, estando previsto dar acubillo a medio cento de
asistentes na versión pontevedresa. Poderán participar
programadores e deseñadoras, guionistas, músicos ou debuxantes…
“Calquera persoa que o desexe e teña curiosidade pode participar,
realmente. Só ten que estar no Centro Leste, ás 17 horas, e
iniciarse no proceso”, sinalou o concelleiro.
O
Centro Leste permanecerá aberto todo o tempo que dure a actividade,
de xeito ininterrompido durante 48 horas. Tal é como indica o edil
de Novas Tecnoloxías, mesmo está permitido “botar unha cabezada
nun saco de durmir nunha sala que estará habilitada no lugar ou
acudir até a súa casa para coller folgos nesta sesión
maratoniana”.
Haberá
dúas alturas ou modelos á hora de participar: entre 12 e 17 anos
(só en liña) e de 18 (ou menores acompañados) cara arriba. As
inscricións poden facerse na web da Global
Game Jam.
A de
Pontevedra é a única cita galega do devandito evento.