A Mesa denuncia que os pasaportes electrónicos non respectan a toponimia galega
xoves, 10 de maio do 2007
A Mesa pola Normalización
Lingüística denuncia que o sistema informático da Dirección Xeral da Policía
mantén na súa base de datos os topónimos galegos con formas deturpadas, de
xeito que nos
pasaportes electrónicos aparecen nomes de poboacións como “La Coruña”, que non se poden modificar nin por petición expresa
do solicitante do documento, o que supón unha vulneración das leis lingüísticas,
de aí que A Mesa esixa tanto a “restitución
da legalidade” como a substitución sen custo dos pasaportes electrónicos
afectados por esta problemática.
Aparte da responsabilidade directa da Dirección Xeral de Policía, dende A Mesa
tamén advirte de que a Secretaría Xeral de Política Lingüística (dependente da
Consellaría de Presidencia) continúa a “distribuír
as listaxes da toponimia oficial a todos os departamentos da Administración do
Estado” sen incluír os topónimos axeitados non que sospeitan que se trata
dun caso de “fobia” do Conselleiro de
Presidencia, José Luis Méndez Romeu, ó topónimo “A Coruña”.