A Nintendo Wii dobra en vendas á PS3 nos EE.UU.

Wedbush Morgan e simExchange deron a coñecer os datos das vendas de consolas nos EE.UU. durante o mes de novembro, amosando que a Nintendo DS vendeu 1.350.000 unidades; a Wii, 950.000; a Xbox 360, 750.000; a PSP, 650.000; a PS2, 485.000; a PS3, 420.000 e a GameBoy Advance, 170.000, de xeito que a consola doméstica de Nintendo dobrou en vendas á PS3 de Sony.
Ademais, parece que a Nintendo Wii finalmente superou mundialmente á Xbox 360 en unidades vendidas, polo que se sitúa á cabeza das consolas de nova xeración pese a non ter capacidades de alta definición.