A Ourense ICC Week celebrará o espÃrito gamer e o talento TIC das mulleres galegas
xoves, 5 de abril do 2018
Quen queira creatividade e espÃrito argalleiro
aplicado ás múltiples facianas do dixital, vaino ter en Ourense a
primeira semana de maio, a conto da cuarta edición do evento Ourense
ICC Week, organizado un ano máis pola Deputación de Ourense, desta
volta co engadido extra (un engadido extra moi destacábel) de poñer
o foco nas importantes contribucións pasadas, presentes e futuras
das mulleres á innovación, ao coñecemento avanzado e a todas as
cousas que nos transforman para mellor e nos fan a vida máis doada e
sustentábel. As actividades previstas para os dÃas comprendidos
entre o 2 e o 5 de maio inclúen unha quedada informática, a ICC
Technium R Encounter, e máis unha competición a gran escala de
seareiros dos deportes dixitais, a ICC eSports.
Estas accións,
abeiradas á etiqueta ICC Gamers, compleméntanse coa que ao noso
parecer é a actividade estrela do programa: a
xornada Unha
viaxe cara a Sociedade do Coñecemento,
prevista para o 4 de maio. Será, como dixemos antes, unha
apaixonante viaxe ás importantes achegas das mulleres tech.
Volvendo a ICC Gamers, escaparate das últimas
tendencias en videoxogos e deportes en liña, contará coa
colaboración da Deputación de Ourense, a Universidade de Vigo, R
euskaltel, a Federación Galega de Automobilismo e Mahou.
Indo ao miolo desta vertente de lecer dixital, a
xuntanza ICC Technium R Encounter
botará a andar o dÃa 3 de maio ás 18 horas e rematará o 6 de maio
á mesma hora, no Pavillón Universitario de Ourense. A edición 2018
da quedada informática terá catro grandes torneos: League Of
Legends, Counter Strike Global Offensive, Hearthstone e
Super Smash Bros Brawl. Haberá 4.000 euros en premios
en torneos ou en outras actividades lúdicas dentro da party.
A xeito de curiosidade lembrar que na pasada
edición, o moañés Aarón González Santomé, acadou un novo récord
Guinness do xogo Final Fantasy 10, logo de permanecer 40 horas
consecutivas competindo.
Volvendo ao apartado de xogos, este completarase
coa devandita actividade ICC
eSports, que tamén se celebrará no Pavillón Universitario
de Ourense, o 5 de maio ás 10 horas até o 6 de maio ás 15 horas.
Dentro desta celebración os torneos que se disputarán serán:
FIFA 18, Clash Royale, e GT Sports. A entrada aos mesmos
pode adquirirse estes dÃas en Ticketea (podéndose acceder a ela a
través da web www.technium.es).
Neles poderán participar xente de fóra da ICC
Technium R Encounter, asà como as persoas da propia party.
Alén destas actividades ligadas ao lecer dixital,
a Ourense ICC Week 2018 será moito máis. Haberá, de feito,
achegamentos diversos ás novas tecnoloxÃas, ao humor, á música e
mesmo premios para xestoras/es culturais de Galicia. En concreto, no
que se refire aos novos sectores emerxentes e ás TIC (TecnoloxÃas
da Información e Comunicación), o
4 de maio as mulleres tecnolóxicas serán as protagonistas da
xornada coa actividade Unha viaxe cara a Sociedade do Coñecemento,
que contará coa presenza de diversas expertas-profesionais do noso
ámbito innovador. O cometido desta celebración será visualizar ao
máximo o importante papel despregado polas nosas mulleres referentes
e expertas en tendencias de máxima actualidade, como por exemplo a
realidade virtual, a realidade aumentada, o mundo do software, a
chamada gamificación (aplicar en actividades da vida real
metodoloxÃas propias dos videoxogos, estimulando a creatividade e a
cooperación) ou a economÃa colaborativa.
Nesta xornada de
mulleres tech, Sara RodrÃguez, Cynthia Gálvez e Luz Castro
contarán de primeira man o que están a facer e mostrarán o que
está por vir en materia de tecnoloxÃas e, por suposto, en materia
de tecnoloxÃas impulsadas dende o ámbito feminino e con vontade de
romper calquera fenda de xénero, incluÃdas as dixitais.
Por outra banda, na mesma xornada do 4 de maio o
presidente da AGAG (Asociación Galega de Guionistas), Nico Campos,
falará das novas sobre o futuro dos contidos, os guións e a
dirección, achegando as vivencias do sector da man da da directora e
escritora, Gracia Querejeta, autora de filmes tan destacábeis como A
derradeira viaxe de Robert Rylands ou a máis recente Felices
140.