A PS Vita terá un Super Monkey Ball</Em> de seu
luns, 12 de setembro do 2011
Super Monkey Ball naceu como máquina recreativa no Xapón no ano
2000 e pronto pasou a consolas de videoxogos como a GameCube de Nintendo e a
N-Gage de Nokia, para gozar máis adiante de secuelas para moitas plataformas
(Game Boy Advance, PS2, Xbox, Wii...) destacando recentemente o seu desembarco
no iPhone e no iPad, polo que pilla por sorpresa que agora SEGA
anuncie que a primeiros de 2012 vaia lanzar unha nova entrega da saga para a
PlayStation Vita de Sony.
O novo Super Monkey Ball contará coa
presenza de AiAi, MeeMee, Baby e GonGon, que volverán a recoller plátanos na
nova consola portátil de Sony, aproveitando as funcións única deste novo
dispositivo, como os seus 2 mandos analóxicos ou as súas superficies táctiles.
Esta saga volve con mundos totalmente novos, mini xogos orixinais e gráficos
actualizados, permitindo tamén competir entre ata 4 amigos en modos
multixogador a través de Wi-Fi.
Trailer de presentación de Super Monkey Ball para PS Vita
- Nesta nova entrega da saga volveremos a contar con AiAi, MeeMee, Baby e GonGon