A PlayStation Network rexistra 3 grandes caídas en menos de 7 días

luns, 29 de xaneiro do 2018 Marcus Fernández

O pasado venres coincidiron dous grandes lanzamentos para PlayStation 4, os xogos Dragon Ball FighterZ e Dragon Ball FighterZ, o que claramente levou a un volume de xogadores moi elevado a querer gozar das últimas novidades, o que podería ter sido decisivo nos problemas que a PlayStation Network padeceu nos últimos días, xa que o propio venres a plataforma de xogo en liña de Sony estivo fóra de servizo durante bastante tempo a nivel global, impedindo dende xogar en rede até mercar xogos.
Podería parecer un problema puntual de saturación, pero os problemas repetíronse e hoxe mesmo a PlayStation Network volveu experimentar fallos de funcionamento durante bastante tempo, acumulando un total de 3 grandes caídas en 7 días.
O malestar dos xogadores é notable, xa que a nos últimos meses o servizo de xogo en rede de PlayStation subiu de prezo, e aínda que mellorou os xogos que ofrece aos subscritores cada mes sen custo adicional, a calidade do servizo non parece ter mellorado, confirmándose que a infraestrutura de rede de PlayStation é moi inferior á de Xbox.

PUBLICIDADE