A Proa (Ames) organiza un obradoiro sobre seguridade informática para pemes

O espazo colaborativo A Proa organiza para o mércores 5 de outubro, ás 18.00 horas, unha nova actividade (adiada dende o 16 de setembro e retomada agora) denominada Taller de seguridade informática nas PEME. O coworker Rafael Yáñez, promotor do proxecto Impulsa Dixital (xunto a súa compañeira Isabel Viñas), será o encargado de impartir o obradoiro. A inscrición para esta actividade pode realizarse de balde premendo na ligazón específica.
Nesta actividade coñeceranse ferramentas de seguridade de hardware, software e das redes. Ademais, falarase das normas básicas da LOPD; como garantir a protección dos datos e dos medios informáticos; e como navegar pola rede e empregar o correo electrónico de xeito seguro. Por último afondarase na formación do usuario.
A concelleira de Promoción Económica, Ana Belén Paz, explica que “despois dun breve parón durante os meses de xullo e agosto retómanse as actividades no centro de coworking A Proa. O coworker Rafael Yáñez, promotor do proxecto Impulsa Dixital, impartirá un taller sobre seguridade informática para as pemes”.