A UDC mostra á ministra de Traballo os detalles da Cidade das TIC
venres, 14 de maio do 2021
A
ministra
de Traballo, a galega Yolanda Díaz, estivo na mañá deste 14 de
maio na Universidade da Coruña, onde tratou diversas cuestións co
reitor Julio Abalde, amais de impartir un coloquio e participar
nunha charla organizada pola Cátedra Luis Fernández Somoza para a
internacionalización dos estudos de Economía e Empresa da UDC. Na
reunión co reito previa ao coloquio, trataron varios dos proxectos
de creación de emprego cualificado da UDC. Entre estes proxectos
atopábase a Cidade das TIC, a iniciativa para converter a antiga
Fábrica de Armas da Coruña nun centro de coñecemento e
emprendemento tecnolóxico.
Abalde
explicou que a través da Cidade das TIC prevese crear dous mil novos
postos de traballo en cinco anos.
Tamén
lle mostrou os detalles da Unidade Mixta de Investigación
UDC-Navantia e do plan de creación dun hub de eólica mariña
offshore en Ferrol. A ministra de Traballo e Economía Social
declarou ser coñecedora xa destes proxectos e manifestou o seu
interese nos mesmos.
O
reitor, despois na clausura da charla-coloquio da ministra,
manifestou que a UDC, como universidade pública, “ten que axudar a
que se creen postos de traballo cualificados e tecido produtivo que
manteña aos universitarios con empregos de futuro”. Abalde tendeu
a man á vicepresidenta Díaz para axudar nesta creación de “tecido
produtivo de calidade para que a xente nova teña unha vida plena e
poida xerar riqueza no país”.