A UDC organiza este venres o Foro de Innovación e Estratexia Dixital

mércores, 24 de maio do 2017 Redacción

Este venres, 26 de maio, ás 12:00 horas e na sede de AFundación da Coruña, celebrarase o Foro de Innovación e Estratexia Dixital. O evento vén da man da Cátedra Jean Monnet de Economía Industrial Europea e o posgrao en Xestión Empresarial da Innovación da Universidade da Coruña. Contarase coa presenza de importantes persoeiros estatais e internacionais dos ámbitos da mercadotecnia en liña e as novas tecnoloxías ao servizo da publicidade e a comunicación empresarial.
A vicerreitora de Oferta Académica e Innovación Docente, Nancy Vázquez, abrirá o foro ás 12:00 horas, xunto co concelleiro de Emprego e Economía Social, Alberto Lema, o decano da Facultade de Economía e Empresa, Anxo Calvo, o director do posgrao en Xestión Empresarial da Innovación, José Manuel Barreiro, e o responsábel da Cátedra Jean Monnet Economía Industrial, Andrés Faíña.
As intervencións comezarán a continuación ata ás 14:30 en que se pechará o encontro, co seguinte programa, moderado pola directora de Informativos de Radio Coruña Cadena Ser, a xornalista Consuelo Bautista.
Programa
12.20 horas A innovación e a estratexia dixital: o presente e os retos do futuro
• Luís del Pozo, director de Marketing na área residencial de Jazztel
• Adolfo Fernández, business development manager Spain & Portugal
• Jose Valiño, director de Innovación de ABANCA
13.10h. Intraemprendemento empresarial na nova era dixital
• Andres Faíña, responsábel da Cátedra Jean Monnet na UDC
• Yago Campos, director de Innovación de Estrella Galicia
• Guillermo López Taboada, director executivo e fundador de Torus Software, empresa spin-off da UDC
13.50h. Emprendedores na nova era dixital
• Yaiza Canosa, directora executiva e fundadora de GOI Travel
• Daniel Fernández, co-fundador de Cleventy
• Veronica Ramallal, directora executiva de Peckecha

PUBLICIDADE