A UNED mostra a súa firme vontade de colaboración co Centro de Intelixencia Artificial de Ourense
xoves, 29 de outubro do 2020
A
presentación oficial do Centro de Intelixencia Artificial do
Concello de Ourense, do
que falamos onte en Código Cero nos seus detalles, contou coa
presenza de representantes da UNED (Universidade Nacional de
Educación a Distancia) que, dende a súa sede na cidade das
Burgas, mostrou dende o primeiro intre o seu decidido apoio á
iniciativa. De feito, segundo fixo saber o director de UNED Ourense,
Jesús Manuel García Díaz, a institución académica de docencia en
remoto foi “a primeira universidade que se ofreceu a colaborar
xunto coa de Vigo”.
García
Díaz comezou a súa intervención trasladando aos presentes o saúdo
cordial do reitor da UNED, Ricardo Mairal Usón, e lembrando unha das
principais apostas do Centro Asociado á UNED en Ourense, que non é
outra que o compromiso pola investigación. Deste interese polo
coñecemento, dixo, foi de onde frutificou o apoio da Universidade ao
Centro de Intelixencia Artificial do Concello, dende o primeiro intre
que a Administración local solicitou a súa colaboración
científica.
O
director de UNED Ourense mostrouse convencido do importante potencial
de innovación que vai xerar este traballo conxunto arredor do Centro
de IA, con beneficios para todas as entidades implicadas e, sobre
todo, para a cidadanía. Nas súas palabras, “a actividade
científica constitúe o elemento diferenciador da nosa Universidade
fronte a outras ofertas formativas, unha actividade que se
materializa nun compromiso continuo pola investigación, a
transferencia e a internacionalización como elementos
imprescindíbeis da cultura científica actual”.
Asemade,
fixo saber que a UNED pretende potenciar a formación e cualificación
dunha nova xeración de investigadores e de persoal adicado ás
actividades de I+D+i e o mantemento das infraestruturas científicas,
“co obxectivo de incrementar o prestixio investigador da
Universidade e a visibilidade e reputación da marca-UNED, como
sinala o seu plan estratéxico”. Neste ámbito, engadiu Jesús
Manuel García, “poñemos o ollo sobre algúns obxectivos que marca
o plan estratéxico desta Universidade, como o de impulsar a
investigación promovendo os principios de investigación e
innovación responsábeis”.
Segundo
fixo saber, “Ourense posúe calidade de vida e iso pode axudar a
reforzar o atractivo investigador e científico do Centro de IA ao
que auguramos éxito, porque será tamén o éxito desta cidade como
terra que aposta pola Intelixencia Artificial, un campo
imprescindíbel na sociedade do século XXI”.
Pola
súa banda, o director da Oficina de Transferencia de Resultados de
Investigación da UNED, Sixto Jansa Anadón, baseou a súa
intervención en cinco reflexións:
· O
Centro de IA de Ourense, dixo, “é un proxecto que conta con todo o
interese e apoio da UNED”, tal e como se puxo de manifesto en
outono de 2019, “cando asinamos un convenio co Concello debido á
coincidencia de intereses de ambas as entidades no desenvolvemento
científico aplicado ao avance do sector produtivo e ao
desenvolvemento local”. A este respecto, dixo que a UNED entendeu
que o proxecto do Concello era “especialmente interesante polo seu
potencial para ao desenvolvemento da industria, das cidades, e dos
servizos das administracións públicas”.
·
Segundo explicou, o Centro de IA virá acompañado dunha “masa
crítica suficiente para abordar proxectos de dimensión
internacional, lograr relevancia científica a través dos resultados
obtidos, e producir un impacto positivo e crecente na actividade
económica e social de Ourense”.
·
Jansa tamén puxo o foco na súa aposta polo sustentábel, “grazas
a unha estrutura financeira sólida composta por fontes
complementarias: apoios públicos institucionais, proxecto de
financiamento competitivo, ingresos por servizos técnicos,
explotación de resultados de investigación, formación
especializada, patrocinios e mecenados, etc, unida a métodos
eficientes de goberno”.
· O
director da OTRI da UNED salientou o carácter internacional do
proxecto, que mostra “proxección exterior en relacións,
proxectos, clientes, investigadores, tecnoloxías, alianzas e
sistemas de traballo”.
·
Tamén destacou os seus fortes vencellos co desenvolvemento
económico, social e demográfico da cidade e a provincia de Ourense.