A USC pon en marcha un grao de robótica e prepara un mestrado de empresas e tecnoloxías
xoves, 18 de xullo do 2019
- Consello da USC celebrado este xoves 18 no Campus de Lugo
A
Universidade de Santiago está a ampliar a súa oferta formativa cara
ao tecnolóxico e o innovador. Isto é aplicábel ás súas novas
titulacións, entre as que se conta o grao de Empresa e Tecnoloxía
(a impartir, no curso 2020/2021, na Facultade de Administración e
Dirección de Empresas, no Campus de Lugo), cuxo obxectivo é
“satisfacer as inquedanzas transversais e as cada vez maiores
destrezas tecnolóxicas que amosan os mozos e as mozas”, e mailo
grao de Robótica (este mesmo curso 2019/2020, na Escola
Politécnica Superior de Lugo), cuxa finalidade é capacitar ás
alumnas e alumnos nos sistemas intelixentes e, dentro deles, os
ámbitos altamente especializados.
En
total, poranse en marcha en 2020 tres novos títulos de grao e dous
mestrados.
A
materialización destas novas titulacións, presentadas hoxe,
permitirá a USC fortalecer e renovar a súa xa ampla oferta nos
Campus de Lugo, onde se impartirán os graos de Empresa e Tecnoloxía
(Facultade de ADE), Bioquímica (Facultade de Ciencias), e Xestión
Cultural (Facultade de Humanidades), e de Compostela, no que as
facultades de Xeografía e Historia e de Farmacia acollerán,
respectivamente, a partir do vindeiro curso académico 2010-21 as
sedes dos mestrados interuniversitarios en Arqueoloxía e Ciencias da
Antigüidade e Nanociencia e Nanotecnoloxía.
Isto
polo que respecta ao vindeiro ano académico. Neste período
2019/2020, comezan a súa andaina o devandito grao en Robótica e o
mestrado universitario en Enxeñaría de Procesado de Alimentos,
ademais doutros títulos propios (o mestrado en Igualdade de
Oportunidades e Xénero na Empresa, na Escola Universitaria Relacións
Laborais).
Esta
aposta pola renovación da oferta é a proba, segundo a USC, da súa
capacidade “para traballar a prol de respostas acaídas ás novas
necesidades e expectativas da sociedade”.