A Xbox One recibirá unha importante actualización o 12 de novembro
martes, 27 de outubro do 2015
Durante o pasado E3 Microsoft anunciou que estaba a preparar
grandes cambios para a súa Xbox One, como a introdución de Windows 10 e da
retrocompatibilidade con xogos de Xbox 360 no que dan en chamar nova experiencia Xbox One,
á que por fin poñen
data de lanzamento para a súa versión oficial: o 12 de novembro.
As novidades que recibirá a Xbox One serán moi diversas, estreando unha nova
organización dos contidos para axilizar o seu acceso (grazas á incorporación do
desprazamento vertical); un maior rendemento da consola; ampliación das
funcións sociais; o uso de Cortana como asistente persoal con recoñecemento de
voz (que non precisará de Kinect para funcionar como temÃan algúns); con
avatares modernizados; acceso directo á notificacións, amigos e mensaxes para
poder atender ao máis importante sen ter que saÃr ou pausar un xogo; cunha
Tenda de xogos, aplicacións, música e contidos audiovisuais mellor organizada; unha
versión renovada de OneGuide que leva a un único sitio a información sobre
televisión, pelÃculas e aplicacións de vÃdeo; e, como xa temos mencionado, a posibilidade
de gozar inicialmente de máis de 100 xogos de Xbox 360 (catálogo que ampliarase
paulatinamente) na Xbox One, podendo gozar de prestacións avanzadas como a
gravación de partidas, as capturas de pantalla, o xogo en streaming dende un ordenador con Windows 10 e a posibilidade de
participar no modo multi-xogador con independencia de que o resto de usuarios
usen Xbox 360 ou Xbox One. Unha serie de melloras que fan da Xbox One un
produto moito máis atractivo, que consegue colocarse como a consola de nova
xeración máis completa, quedando agora por ver cal será a resposta de Sony para
engadirlle valor á súa PlayStation 4 pola vÃa do software de sistema.