A Xbox Series S venderase con 3 meses de Xbox Game Pass Ultimate sen custo adicional

Para facilitar o salto á actual xeración de consolas Xbox dende Microsoft anuncian o Xbox Series S – Starter Bundle, un lote orientado a introducir aos xogadores no mundo dos videoxogos, para o que inclúe unha Xbox Series S con 512 GB de capacidade de almacenamento, un mando Xbox sen físo e 3 meses de Game Pass Ultimate, ou sexa, que con sacar a consola da caixa e configurala xa e pode gozar tanto de xogos mercados como de centos de xogos incluídos no servizo de subscrición de Xbox.
Esta configuración da Xbox Series S ten un prezo oficial de 299,99 euros e estaría dispoñible a partir do vindeiro 31 de outubro. Este lote supón un aforro dos 44,99 euros que custa unha subscrición de 3 meses a Xbox Game Pass Ultimate, aínda que cómpre lembrar que a Xbox Series S é relativamente doada de atopar a un prezo de 269,99 euros, polo que o novo pack sería recomendable no caso de querer realmente tirar proveito das vantaxes de Xbox Game Pass (servizo que ofrece tanto xogos para instalar como para xogar na nube).