A Xbox Series X poderase personalizar con fundas

Que a PlayStation 5 en cor branca non era do agrado de moitos xogadores non era ningunha sorpresa, e Sony, en vez de lanzar modelos de cores da consola, optou por comercializar carcasas intercambiables cunha grande variedade de cores, facilitando así a personalización da consola, e Microsoft parece querer ir polo mesmo camiño, e aínda que xa vendeu algunha versión especial da Xbox Series X, finalmente optou por apostar pola súa personalización a través do que deu en chamar fundas.
O 18 de outubro será cando estea dispoñible a funda para Xbox Series X inspirada no xogo Starfiled, que poderase mercar a un prezo de 49,99 euros, e que presenta uns deseños coidados que van moito máis aló dunha simple combinación de cores; mentres que o 10 de novembro porá á venda por 44,99 euros unha funda para Xbox Series X máis modesta, con aparencia de camuflaxe, para usuarios máis atrevidos.
Estas fundas están formadas por paneis sólidos e cun tecido de máquina, que se axustan con grande precisión á consola, envolvéndoa perfectamente co seu material de silicona impreso que fíxase cun peche de velcro, polo que a súa instalación é moito máis doada que as carcasas de PS5 ou das os vinilo adhesivo que teñen comercializado para outras consolas no pasado.