A Xunta achega as vantaxes da ciberseguridade ás empresas do sector forestal

Esta mañá inaugurouse a xornada formativa Ciberseguridade: riscos e implantación no sector forestal de Lugo, organizada por LugoMadera co apoio da Xunta, onde salientou que as empresas da cadea monte-industria non son alleas ás ameazas que trae consigo a dixitalización.
Pola súa banda, o director da Axencia Galega da Industria Forestal (Xera), Alfredo Fernández Ríos, subliñaba a importancia de que as empresas do sector forestal coñezan as vantaxes da ciberseguridade, apuntando á necesidade de ampliar a formación neste eido.
Fernández Ríos estivo presente na estrea da xornada formativa e indicou que: “Máis, -dixo- cando cada día se van renovando e están implantando novos sistemas informáticos para, por exemplo, garantir a trazabilidade dos produtos, xestionar a cadea de produción ou para todo o que comporta a comercialización da madeira”.
Asemade, o director da Xera defendeu a necesidade de incrementar a formación neste eido entre os profesionais do sector e lembrou que aínda está aberta a liña de axudas que a Xunta ten á disposición das asociacións e organizacións da industria forestal para a convocatoria de actividades formativas non regradas -como a xornada organizada por LugoMadera-, das que o pasado ano se beneficiaron máis de 1.000 profesionais.
O prazo para presentar solicitudes está aberto desde o pasado 29 de agosto ata o vindeiro 29 de setembro, con 0,5 millóns de euros de orzamento e axudas máximas de ata 70.000 euros por beneficiario.

Relatorio de Cloud.gal

A importancia de dispoñer dunha devasa (firewall) á hora de protexer redes, dispositivos e sistemas nas empresas do sector forestal. Esa foi a temática central do relatorio que a firma Cloud.gal impartiu na xornada de ciberseguridade celebrada en Lugo.
O responsable de Comunicación da compañía, Martín González, foi o encargado de conducir o relatorio, no que incidiu “na importancia de dispoñer de sistemas que garantan que os procesos de dixitalización nestas empresas sexan desenvolvidos de maneira segura e eficiente”.
Esta acción está encadrada dentro do convenio de colaboración que Cloud.gal e a asociación empresarial Lugomadera asinaron en abril deste ano. Por medio deste acordo, a empresa tecnolóxica, especializada en servizos na nube e ciberseguridade, está a actuar como provedor de solucións para as compañías asociadas, facilitándolles, ademais, a súa transición cara a contornas dixitais 100% seguras. Un dos eixos centrais da colaboración baseábase, precisamente, na realización de xornadas informativas como esta.
Baixo o título Rochas en materia de ciberseguridade e a súa implantación nas empresas do sector forestal, ás xornadas informativas asistiron un amplo número de compañías desta actividade que tiveron ocasión de escoitar as conferencias de numerosos expertos na materia. Entre eles, á directora executiva e co-fundadora en Forensic, Pilar Vila, ao responsable de ciberseguridade en FINSA, Antonio Fernandes, e ao director executivo en Ingeniería Insitu, Ramón Martínez, que tomaron parte nunha mesa redonda sobre os riscos aos que se enfronta o sector.
Ao longo dos relatorios falouse da situación actual en canto a ciberameazas en Lugo, así como dos riscos e sistemas de prevención fronte a ciberataques. A actividade estivo organizada por Lugomadera en colaboración co Concello de Lugo e a Xunta de Galicia.