A Xunta destaca a importancia de seguir avanzando na modernización da Administración
xoves, 20 de xullo do 2017
O vicepresidente da Xunta, Alfonso Rueda, destacou hoxe durante
un encontro en Vigo con membros da Confederación de Empresarios de Pontevedra a
importancia de seguir traballando na modernización da Administración e
sumando avances aos que xa se teñen realizado nos últimos anos, co obxectivo de
prestar un servizo máis eficaz e eficiente á sociedade.
Rueda participou nun coloquio no que expuxo as principais
liñas de actuación da Xunta en materia de modernización, realizando un repaso
polas actuacións levadas a cabo nos últimos anos, comezando pola redución do
tamaño da administración e dos seus entes paralelos, entre os que xa causaron
baixa un total de 86 entidades, o que supón un aforro de máis de 80 millóns de euros
cada ano.
Outro punto prioritario para ao Goberno galego é a
modernización tecnolóxica para lograr unha administración aberta as 24 horas do
dÃa e todos os dÃa do ano a través dos servizos dixitais. Actualmente, na sede
electrónica da Xunta xa están dispoñibles o 95 por cento dos procedementos
administrativos. Neste ámbito, tamén son destacables medidas como a Plataforma
de contratación de Galicia ou a factura electrónica.
De cara ao futuro, seguirase traballando nestas liñas de
actuación. AsÃ, por exemplo, no que se refire ao plan de racionalización da
administración paralela, o obxectivo é chegar á supresión de case 100 entes ao
final do proceso. Tamén destaca o inicio da tramitación da futura Lei de
Administración dixital de Galicia, que entre outras cuestións prevé a
eliminación do papel sobre o ano 2020.
En definitiva, o obxectivo é seguir traballando por unha
administración máis útil, de maior calidade, máis eficaz e que ofreza mellores
servizos, tanto á cidadanÃa en xeral como ás empresas.
