A Xunta potenciará a dixitalización dos autónomos cara á saÃda do estado de alarma
mércores, 8 de abril do 2020
O conselleiro de EconomÃa, Emprego e Industria, Francisco
Conde, mantivo esta tarde unha reunión con representantes dos traballadores
autónomos centrada no deseño de novas
medidas en materia de dixitalización e seguridade e saúde laboral para preparar
o seu primeiro dÃa despois do coronavirus. O encontro enmárcase no contacto
aberto que mantén a Xunta cos axentes económicos e sociais para abordar con
eles os efectos da situación de emerxencia sanitaria que se está a vivir, as
súas inquedanzas e necesidades e as principais urxencias que lles supón este
novo escenario, e adoptando medidas que vaian encamiñadas a mitigar ese impacto
e encarar con maiores garantÃas a fase de recuperación unha vez se supere a
pandemia.
Na videoconferencia con representantes da Asociación
intersectorial e interterritorial de Autónomos e Pequenas Empresas de Galicia
(APE Galicia), Federación Nacional de Asociacións de Empresarios e
Traballadores Autónomos-ATA Galicia e a Asociación Galega de Traballadores
Autónomos e do Mar (AGTAMAR) celebrada esta tarde, o conselleiro de EconomÃa,
Emprego e Industria sinalou que a Xunta quere completar as súas primeiras
medidas de choque, para resultados inmediatos, con iniciativas que permitan
preparar aos autónomos para o primeiro dÃa despois do coronavirus.
Nestas medidas a dixitalización e a seguridade e saúde
laboral xogarán un papel destacado e combinaranse servizos, como o apoio aos
plans de reactivación, con axudas para os investimentos necesarios para ser
competitivos no novo escenario, e estÃmulos á demanda para un colectivo clave
na economÃa galega e que representa un de cada cinco traballadores.