A Zona Franca presenta o Top 25 das empresas intelixentes de Galicia
luns, 3 de maio do 2021
O
Consorcio
de Zona Franca de Vigo presentou o venres pasado o Ranking Ardán
de Empresas Intelixentes de Galicia 2020, un
pormenorizado informe no que se identifica o Top 25 das firmas da
nosa terra que están a liderar o proceso actual de transformación
tecnolóxica, con todo o que iso implica (por exemplo a integración
de recursos avanzados como Big Data,
Machine Learning,
Internet das Cousas ou cadea de bloques, entre outras moitas). Son,
en palabras da Zona franca, as empresas que mellor combinan
negocio e crecemento sustentábel.
O
informe foi dado a coñecer polo delegado do Estado na Zona
Franca, David Regades, acompañado polo autor da investigación, o
catedrático Xosé H. Vázquez; o director xeral e director comercial
de Hermasa, Pablo Rodríguez e Adrián Carril; e a responsable de
Ardán, Susana Lama.
Ardán
denomina “empresas intelixentes” ás compañías que mellor
combinan a súa capacidade de negocio coa de xerar no futuro “un
medre económico sustentábel e inclusivo”. A selección inicial de
empresas candidatas a participar no ranking está conformada
polas 1.200 empresas galegas que presentan, en palabras dos autores,
“un meirande valor engadido bruto por empregado sostido nos últimos
5 exercicios”.
Sobre
o conxunto de empresas, sobresalientes no operacional, analízanse
sete variables: rendibilidade financeira, investimento en I+D+i,
índice de internacionalización, equilibrio de xénero, salarios
medios, estabilidade no emprego e produtividade do carbono. A Zona
Franca explicou que o resultado é “un ranking no que
predominan empresas intensivas en coñecemento ou de tecnoloxía
media, pero coas que tamén coexisten empresas en actividades
tecnoloxicamente estábeis onde a innovación e a apertura a novos
mercados marca a diferenza entre o novo e o tradicional; deste xeito
pódense atopar empresas de software e d equipos electrónicos,
químicas, farmacéuticas, ou metal-mecánicas, por exemplo, e doutra
banda tamén empresas do sector da alimentación, a construción, o
comercio, a pedra ornamental ou o pesqueiro.
As empresas intensivas en coñecemento ocupan un lugar destacado.
Son
as seguintes:
Igalia,
Marine Instruments, Mestrelab Research; Galchimia, CZ Veterinaria;
Quantum Innovative, Hermasa Canning Technology.
Destacan
tamén empresas de bens intermedios e tecnoloxía media, en xeral con
participación simultánea en varias cadeas de valor: Howa Denko
Carbon Spain, Rodicut Industry, Distevi, Actega Artistica,
Generadores Europeos e Frimarte.
No
informe saliéntase tamén a existencia dunha “tecnoloxía
enxebre”, que é aquela reflicte fortalezas previas de Galicia en
actividades tradicionais e tecnoloxicamente estábeis.
Frigoríficos
de Camariñas, Alibos Galicia; Rs Motor Power Solutions, Atlas Bus;
Kota Blue, Alumisel, Galicia Offshore Services, Cymel; Granitos
Cabaleiro, Irmáns Galdo e Pesqueiras Breogán.