A aplicación Emerxia de Lalín xa rexistrou 120 comunicacións
venres, 22 de marzo do 2019
- Exterior da casa do concello de Lalín
O
Concello de Lalín vén de facer
balance do acadado pola súa ferramenta Emerxia, unha aplicación de
mapeo que achega á cidadanía a posibilidade de colaborar
activamente no mantemento da vila e da súa contorna, comunicando
incidencias e avisos para, tamén, regulamentar e ordenar este vieiro
de participación. Emerxia, logo de seis meses activa, xa rexistrou
un total de 120 comunicacións.
Este
e outros datos foron achegados polo tenente de alcalde do Concello,
Nicolás González Casares, quen puxo o foco na “utilidade” da
aplicación dixital, enmarcada na estratexia Lalín Ssuma 21 para
transformar o concello pontevedrés nun concello smart e, polo
tanto, mellor xestionado e comunicado e máis sustentábel e
participativo.
Casares,
que animou a toda a cidadanía a empregar a ferramenta Emerxia,
recordou tamén que esta ten o seu acubillo en liña no portal
https://www.emerxia.gal/lalin.
Por outra banda, fixo saber que das 120 emerxencias rexistradas polos
usuarios a través do dito sitio en liña,, máis da metade estiveron
relacionadas con problemas no servizo de alumeado público:
concretamente foron 62 os avisos que se produciron por esta cuestión,
o que representa o 51,6 % do total. Desta cifra, Casares explicou que
58 foron resoltos, 3 se atopan en trámite de resolución e 1
permanece asignado ao servizo correspondente.
Polo
que se refire ás incidencias relacionadas cos prestación do servizo
do lixo foron 16 (13.3%). Neste caso, 10 xa foron resoltas, 4
atópanse en trámite e 2 están asignadas ao departamento.
Pola
súa banda producíronse 3 avisos referentes a xardinería dos que 1
está resolto e os outros en trámite de selo. Tamén se produciron
outros 3 relacionados co subministro de auga e os saneamentos,
atopándose igualmente cada un nunha fase diferentes de intervención.
Doutro lado, recibíronse 18 avisos encaixados na categoría de
outros onde se atopan, principalmente, aqueles relacionados
con obras, fochancas etc. Neste caso 9 foron resoltos, 5 están en
trámite e 4 asignados. Por último, Emerxia recibiu outras 18
comunicacións que non se poden clasificar como emerxencia e que en
boa parte son propostas e suxestións varias dos usuarios, que nestes
casos, sinalou o edil, “son trasladadas ao departamento
correspondente para tratar de darlles unha resposta o antes posíbel.