A aula CeMIT de Boiro combate o confinamento con cursos de teleformación
luns, 23 de marzo do 2020
As
novas tecnoloxías e as infraestruturas de conexión e capacitación
permiten que a formación dixital siga adiante, aínda que, por mor
do COVID-19, non de maneira presencial. Así o entenden dende a
aula CeMIT do Concello de Boiro, que teñen entre mans varios
cursos de teleformación para “todos aqueles usuarios que desexen
unha formación alternativa online”. Estas actividades
formativas a distancia vanse realizar desde a plataforma
teleformación EMA (Espazo Multimedia de Aprendizaxe).
O
Concello explica que para poder participar nestes cursos, as persoas
usuarias deben estar rexistradas na Rede CeMIT e que as as
actividades máis destacadas do catálogo son “os cursos de
Administración Electrónica, de trámites electrónicos en Internet,
de xogos de adestramento mental, de comercio electrónico, de
mercadotecnia en redes ou de vendas no muro”.
Desde
a aula CeMIT do Concello de Boiro estase tamén a traballar por
elaborar unha programación audiovisual-formativa vía streaming.
Deste xeito, explican, “as usuarias e usuarios poderanse seguir
formando en novas tecnoloxías desde as súas casas mediante as
clases online”.