A banda larga móbil seduce ás nosas microempresas
xoves, 20 de setembro do 2018
Cada
vez máis as nosas pequenas empresas tiran maior proveito da banda
larga móbil. Máis
en concreto, o 72,4% das microempresas contratan este tipo de
servizo, superando a media estatal. Estes e outros datos figuran
na enquisa O uso das TIC e do Comercio electrónico nas empresas
2017/2018 publicada hoxe polo Instituto Nacional de EstatÃstica
(INE) e que vén de analizar o Observatorio
da Sociedade da Información e a Modernización de Galicia
(OSIMGA), adscrito á Axencia para a Modernización Tecnolóxica de
Galicia (AMTEGA).
No
estudo tamén se sinala que o 68,1% das microempresas galegas contan
con conexión a Internet contratada, experimentando un aumento dun
9,2% no último ano e superando o ritmo de medre estatal, que ten
unha taxa do 7,6%. Asemade, dáse a coñecer que das firmas de tamaño
miúdo contan con conexión a Internet, un 80,9% dispón de banda
larga fixa e un 72,4% de banda larga móbil. O informe tamén
salienta que a contratación de banda larga móbil entre as
microempresas galegas (72,4%) supera a media estatal (72,2%). A banda
larga móbil medrou un 4,3% neste segmento empresarial galego, o que
sitúa a Galicia na oitava posición na clasificación de Comunidades
Autónomas.
En
relación ao uso das redes sociais, un 33,72% das microempresas
galegas con conexión a Internet empregan as redes sociais, o que
permite situalas no oitavo posto no ranking de Comunidades
Autónomas neste indicador. A dispoñibilidade de páxina web nas
microempresas galegas (30,7%) aumentou un 19,7% e converxe coa media
estatal (31,1%).
A
enquisa sinala tamén que as microempresas galegas con conexión a
Internet superan en 2,8 puntos a media estatal no que se refire á
interacción coas Administracións Públicas a través de Internet,
situándose en cuarta posición na comparativa por Comunidades
Autónomas: a media galega sitúase nun 74,9%% fronte ao 72,1%% da
media estatal.
A
práctica totalidade das empresas de 10 ou máis asalariados de
Galicia dispón de conexión a Internet (98,8%) e banda larga (100%),
en valores semellantes á media estatal.
En
canto á velocidade de conexión a Internet contratada, máis da
metade das empresas galegas de 10 ou máis asalariados (50,5%) conta
cunha velocidade entre 2 Mbps e 30 Mbps.
Por
outra banda, o 87,7% das empresas galegas de 10 ou máis empregados
empregan software de código aberto, superando lixeiramente á media
estatal (87,4%), o que as sitúa no 7º posto no ranking de
Comunidades Autónomas neste indicador.
En
relación ás tecnoloxÃas cloud,
os recursos na nube, a investigación constata que o 14,5% das
empresas galegas de 10 ou máis traballadores mercaron algún servizo
destas caracterÃsticas. Tamén salienta que un 12% das empresas
galegas de 10 ou máis empregados utiliza algún tipo de robot,
superando lixeiramente a media estatal (11%)
Por
outra banda, preto da metade das empresas galegas de 10 ou máis
empregados utilizaron algún tipo de medios sociais (Facebook,
Linkedin, Google+, etc), experimentando un incremento do 11,1% no
último ano As empresas galegas de 10 ou máis asalariados comezan
tamén a realizar análises de información a gran escala e, a dÃa
de hoxe, un 9,4% destas empresas avaliaron Big Data.