A cámara compacta Casio Exilim EX-ZR300 destaca pola súa alta velocidade

mércores, 23 de maio do 2012 Marcus Fernández

Dende Casio entenden que existe a demanda de que as cámaras dixitais sexan cada vez máis rápidas para non perder ningún momento importante, e pensando niso van a pór á venda no Xapón o vindeiro 8 de xuño a nova Exilim EX-ZR300, cámara compacta que, cun sensor de 16,1 Mpíxeles e zoom óptico de 12,5x, é capaz de acenderse en menos de 1 segundo e pode tomar fotografías a refoladas en intervalos de 0,26 segundos. Tamén é moi rápida no seu enfoque, que podería axustarse en só 0,12 segundos.
A Casio Exilim EX-ZR300 pode gravar vídeo Full HD a 30 cadros por segundo, aínda que para rexistrar escenas de moito movemento podemos optar por reducir a resolución do seu vídeo a 640 x 480 píxeles para poder captar 120 imaxes por segundo (o que permitiría crear boas secuencias a cámara lenta).

PUBLICIDADE