A conectividade, a dixitalización empresarial e da Administración, grandes eixes da transformación dixital segundo a AMTEGA
luns, 26 de xuño do 2017
A directora da AMTEGA, Mar Pereira, durante
a inauguración de Galicia TIC, celebrada esta mañá en Santiago de Compostela,
definiu a transformación dixital como o afán por contribuÃr ao crecemento
económico e á mellora social aplicando as vantaxes da tecnoloxÃa. A responsable
da polÃtica tecnolóxica da Xunta lembrou que este proceso non é só tecnolóxico,
senón que require tamén importantes doses de creatividade, valentÃa e
perseverancia asà como a implicación de moitos axentes, e para facilitalo o
Goberno galego puxo en marcha unha estratexia, a Axenda Dixital de Galicia 2020
(ADG2020), con plans definidos para conseguir o impacto social e económico que
poden achegar as TIC aos diferentes ámbitos da sociedade.
Neste sentido, a directora da Axencia autonómica destacou a conectividade como
un dos obxectivos da ADG2020, que xa ten en marcha un Plan para levar as redes
ultrarrápidas a toda a Comunidade. Tamén destacou a transformación dos servizos
públicos, un proceso, no que recalcou, entran en xogo outros factores como as
reformas normativas que se están a levar a cabo para conseguir a Administración
que esperan os cidadáns do futuro.
A dixitalización empresarial é outro dos eixos chave da transformación dixital,
especialmente entre as PEME. Mar Pereira destacou a importancia de
facilitarlles este proceso ás pequenas e medianas empresas e fixo un chamamento
ao sector TIC para facer este acompañamento dun xeito sinxelo.
A directora da AMTEGA lembrou a importancia de evitar que ninguén quede fóra
deste proceso. O Plan de Inclusión Dixital de Galicia, en marcha desde hai máis
dun ano, ofrece a toda a sociedade galega as ferramentas para acceder á
capacitación dixital, independentemente do grao de coñecemento do individuo.
Neste proceso de transformación dixital, a responsable autonómica apuntou entre
os retos a afrontar a ciberseguridade, o fomento do talento TIC e a adaptación
da formación actual a un mercado que demanda perfiles cada vez máis
especializados. Ademais, Mar Pereira fixo fincapé en fomentar a inclusión das
mulleres no sector tecnolóxico.