A consultora tecnolóxica Improving Metrics celebra dez anos de andaina
martes, 19 de outubro do 2021
A
consultora
tecnolóxica coruñesa Improving Metrics está estes días de
celebración: conmemora unha década de andaina no mercado, unha
experiencia de dez anos “dando servizo a clientes de talla
internacional e axudando ás empresas dos máis variados sectores nos
seus procesos de dixitalización e de integración de ferramentas de
análise e xestión intelixente”. Improving Metrics celebra o dito
aniversario recordando que xa acadou un crecemento sostido do 40% ano
tras ano.
Estas
cifras, segundo informa a empresa foron o resultado de varios
factores. Por exemplo un investimento en talento e proxectos de máis
de 3 millóns nos últimos anos, ao que se suma unha folla de ruta
para o seguinte trienio que prevé mobilizar 7 millóns de euros para
os mesmos obxectivos. “Ademais”, comenta Jesús Echarri, director
executivo (CEO) de Improving Metrics, “ao longo destes anos puxemos
o foco en entender as tendencias do noso mercado e máis nas
tecnoloxías analíticas que permitisen aos nosos clientes a tomar as
mellores decisións”. E prosegue: “Achegamos coñecemento baseado
en evidencia científica e facémolo a través do noso principal
valor, o noso equipo de profesionais, de natureza moi diversa e moi
especializados nos seus respectivos campos. Grazas a esta
combinación, logramos cubrir todas as áreas da análise de datos, o
que incrementa exponencialmente a competitividade dos nosos clientes
e mellora os seus resultados de negocio”.
Para
consolidar este posicionamento, a empresa traballou durante 2021
nunha renovación total do seu catálogo de servizos, adaptándoo ás
necesidades naturais dos seus clientes e que tivo unha gran acollida
no mercado, ao que Echarri engade: “Sabemos que falar de termos
técnicos non é sinxelo, por iso decidimos comunicar dunha forma
máis sinxela e próxima para axudar aos nosos clientes a entender o
valor e o poder dos seus datos sen que iso supoña un quebradizo de
cabeza. O complexo facémolo fácil para os nosos clientes”.
Ademais,
a marca renovouse, a súa nova web www.improvingmetrics.com,
reflicte “a esencia da marca e a súa clara intención de ir a por
a mellora dos negocios dixitais, cunha linguaxe accesible e orientada
a negocio”, engade Echarri.
A
consultora albisca un 2022 de “crecemento e consolidación”, ao
que, conclúe Echarri: “Para poder lograr os resultados que nos
propomos, poremos foco principalmente no noso equipo, a nosa marca e
no valor que achegamos aos nosos clientes, axudándolles a entender o
poder dos seus datos e a conseguir os seus obxectivos de negocio”.