A estrea do novo capítulo de GTA IV celébrase con 6 días de xogo en liña de balde

martes, 10 de febreiro do 2009 Marcus Fernández

O vindeiro día 17 chegará ao Bazar de Xbox LIVE o novo episodio descargable para o Grand Theft Auto IV, que se venderá a 1.600 puntos (19,2 euros) e que incluirá 6 de xogo en liña de balde (para usuarios Silver de Xbox LIVE) que remata o día 22, o que podería instar a moitos usuarios a adquirir estes novos contidos, xa que permitirían probar a experiencia en liña do xogo sen ter que contratar un bono mensual do servizo de xogo en liña para a Xbox 360.
A semana de xogo de balde poderá empregarse tanto para o GTA IV como para a súa expansión (pero non para outros xogos), e en España (por mor do cambio horario) comezaría ás 18:00 horas do día 17 e remataría ás 8:59 horas do día 23.

PUBLICIDADE