A fibra óptica avanzada é xa unha realidade para 1.700 fogares de Padrón
mércores, 31 de marzo do 2021
- Unha vista de Padrón vista na Galipedia
O
Concello de Padrón fixo balance dos últimos traballos realizados no
termo municipal para dotar de conexión a Internet de fibra óptica
avanzada aos fogares e ás empresas locais. Segundo fixo saber o
Goberno padronés, as telecomunicacións de vangarda xa chegaron a
1.700 fogares de 22 núcleos de poboación e a previsión é que ao
longo de 2021 se sumen á devandita cifra outros 1.500 inmóbeis
pertencentes a outros 19 núcleos, entre os que se inclúe o da
propia vila de Padrón. Estes traballos, segundo lembra o Concello,
foron levados a cabo por Telefónica e Orange.
O
programa continuará en 2022 co obxectivo de que “a totalidade de
fogares do municipio teña acceso á tecnoloxía de banda larga máis
punteira do mercado das comunicacións”.
A
iniciativa en Padrón estase a desenvolver por Telefónica e Orange
en numerosos lugares do concello como Couto, Cruces, Iria Flavia,
Luáns, Pedreda, Pedroso Norte, Pedroso Sur, Porta dos Mariños,
Prada, Ponte-Aldea, Quintáns, Reten, Angueira de Suso, Estramundi de
Arriba, Pedreira, A Igrexa, Herbón, Pontecesures, Estramundi de
Abaixo, Vilar, Berxaos, Outeiro, Rial, Ribadulla, Sande, Sinde,
Sobrerrivas, Baiuca, Vigo, Cortiñas, Rego da Manga, Santa Cruz,
Aduana, Barco, Cambelas, Agronovo, Paraíso, Pouso, Rueiro, Calzada,
Lama e Padrón Centro.
O
desenvolvemento desta acción realizase baixo o paraugas de concursos
públicos adxudicados pola Xunta de Galicia no Plan de Banda Larga
(PEBANG) e polo Goberno de España no Plan PEBA-NGA, co-financiados
con fondos europeos FEADER e FEDERA.
O
Concello engade que a fibra óptica implica “unha gran velocidade
na transmisión de datos e permite recibir varias canles
simultaneamente, amais a súa calidade de transmisión e a súa
capacidade son excelentes posto que o sinal é inmune a
interferencias externas”.
Por
outra banda, o seu sistema é máis seguro na transmisión de datos,
engadiu o Consistorio.
O
concelleiro de Servizos, Ángel Rodriguez, destacou que a través
deste proxecto “Padrón ofrecerá mellores servizos á cidadanía,
posto que se aumenta a axilidade e rapidez das comunicacións. A
pandemia da COVID-19 incidiu na necesidade de ter desenvolvidas unhas
redes de comunicación seguras e eficientes, por iso a fibra axudará
ao crecemento do tecido empresarial e contribuirá a fixar poboación
no noso territorio”.
Segundo
explicaron os técnicos, o despregue dos canles de fibra realizarase
a través das canalizacións subterráneas existentes. De maneira
excepción e “só onde non exista canalización dispoñíbel”, o
despregue realizarase en tendidos aéreos por postes ou en trazados
por fachada, en función das características construtivas da área a
cubrir.