A galega Cecubo premiada nos AMEC Awards 2022 polo seu proxecto de Big Data na cidade de Braga
martes, 22 de novembro do 2022
A
consultora compostelá Cecubo
Group vén de obter un novo e importante recoñecemento á súa
actividade, centrada no ámbito da intelixencia dos negocios aplicada
á comunicación e mercadotecnia. En concreto, a firma tecnolóxica
vén de ser galardoada cun premio AMEC Awards 2022 polo seu proxecto
de medición da comunicación e a reputación do Concello de Braga
(Portugal). Esta análise enmárcase na mellora da estratexia de
comunicación da candidatura de Braga a capital europea da cultura
2027.
Cecubo
Group é a única empresa de España e de Portugal que logrou este
recoñecemento en 2022. Estes premios, concedidos pola Asociación
Internacional para a Medición e Avaliación da Comunicación (AMEC),
recoñecen cada ano os mellores proxectos de investigación, medición
e análise en materia de comunicación. Máis polo miúdo, a
consultora recibiu o galardón na categoría que premia a
planificación, a investigación e a avaliación máis eficaces da
comunicación nos sectores públicos.
O
proxecto realizado polo departamento de análise do grupo consistiu
en buscar narrativas vencelladas á cidade e ao Goberno municipal nos
medios de comunicación portugueses. A consultora analizaba así
mensaxes que contribuían a situar á cidade como un referente en
estratexias culturais e de posta en valor do patrimonio. “Este tipo
de proxectos permiten medir o éxito das accións de comunicación xa
realizadas, obtendo un reporte actual do discurso mediático”,
explican Carlos Correa e Boris Gayoso, directores de Cecubo,
engadindo que “baseándose nesta análise, pódense expor cambios
na estratexia comunicativa de cara ao futuro”.
Pola
súa banda, Roi Pérez Vila, director de Análise do grupo, explica o
proceso desta análise: “Para lograr este obxectivo, combinamos as
ferramentas de Big Data e o traballo dun equipo
humano. Grazas a este traballo de consultoría e aos datos
dispoñíbeis, é posíbel orientar a estratexia de comunicación e
de medios dáa cidade”.
Desde
a firma compostelá agradecen “a confianza que a Câmara Municipal
de Braga mostrou en nós para levar a cabo o proxecto, un
agradecemento que estendemos a AMEC, que realiza un importante
esforzo de divulgación e educación na nosa industria, ao poñer en
valor a necesidade da medición e a investigación para o bo
desempeño da comunicación”.
Outros
premios
En
2018 e 2020, Cecubo Group foi distinguida nestes mesmos galardóns co
primeiro premio polos seus proxectos de medición e reputación coas
empresas CETELEM - BNP Paribas e Bankia. A iso súmase que a
consultora galega foi finalista dos AMEC Awards en varias edicións.