A galega Drone to Yacht dá unha viraxe tecnolóxica ao San Valentín carrexando agasallos con drons
mércores, 9 de febreiro do 2022
A
empresa galega Drone to Yatch,
centrada no delivery con UAV impulsada
por Aerocamaras, firma referente en formación e desenvolvemento
de vehículos aéreos non tripulados, vai celebrar este 14 de
febreiro, Día de San Valentín, cunha innovadora proposta que xunta
o espírito romántico co emprego das novas tecnoloxías: a
posibilidade de sorprender á nosa parella enviando un agasallo cun
dron. A través deste servizo, a empresa galega Drone to Yacht ofrece
a posibilidade de enviar agasallos como aneis, xoias, e champaña
para sorprender nun día tan especial como é San Valentín. A día
de hoxe, Drone to Yatch xa realizou 150 entregas dende a súa
creación.
A
vertente máis romántica da súa actividade comezouse a fraguar este
verán, cando un usuario solicitou os seus servizos para unha pedida
de man levando por sorpresa un anel e unha botella de champaña
directamente desde a costa até a cuberta dun iate. Carlota Nieto,
responsábel de mercadotecnia de Drone to Yacht sinala que “este
evento é soamente un exemplo da última tendencia para facer un
agasallo moi especial, personalizado e que permite celebrar San
Valentín da forma máis orixinal”.
Este
San Valentín poderase enviar o agasallo ao destinatario que se
desexe nun tempo de tres minutos e até 5 quilogramos. Os drons da
empresa galega poden alcanzar até os 32 nós, ademais percorren até
30 quilómetros de distancia e contan cun sistema de carga e solta
que ten un carrete de 20 metros. Por certo que os aparellos
multirrotor non tripulados desta empresa adoitan operar en zonas de
costa por ser moito máis sinxelo conseguir os permisos para
sobrevoar sobre o mar que sobre a terra, pero existen permisos que
posibilitan voar noutras zonas.