A mostra de realidade virtual Carne y Arena xa foi experimentada no Gaiás por 2.000 persas
luns, 1 de agosto do 2022
- Alejandro González Iñárritu, dirixindo durante unha toma de captura de movemento, visto pola cámara de Chachi Ramírez
A
Xunta fixo balance do interese xerado pola
instalación de Realidade Virtual Carne y Arena, (Virtualmente
presente, Fisicamente invisible), artellada
polo director mexicano Alejandro G. Iñárritu e que se pode visitar
na Cidade da Cultura de Galicia até o 18 de setembro. Segundo
puidemos saber, case
dous milleiros de persoas persoas esgotaron as entradas de xullo
á dita instalación, unha
innovadora proposta artística que nos achega a experiencia das
persoas migrantes que cruzan o deserto entre México e os Estados
Unidos.
Premiada
cun Oscar pola Academia de Hollywood, esta pioneira proposta
inmersiva chega a Santiago de Compostela, sendo a primeira cidade da
Península en acoller este proxecto (tras o seu paso por cidades como
Milán, Ámsterdam, Montreal, Dallas, Washington D. C., Os Ánxeles
ou Cidade de México), producido por Legendary Entertainment, Emerson
Collective e Fondazione Prada, en colaboración con PHI Studio, e que
se pode vivir en Galicia da man da plataforma cultural 90_20 no marco
do Xacobeo 21-22.
Nesta
mostra, Alejandro G. Iñárritu colaborou con migrantes e refuxiados
mexicanos e centroamericanos para acadar “o maior nivel de
realismo”. Segundo explicou el mesmo na presentación do proxecto,
“a miña intención era permitir ao visitante unha experiencia
directa, camiñando nos pés do inmigrante, por debaixo da súa pel,
e dentro do seu corazón”. O resultado é un espazo multinarrativo
con secuencias de extremo realismo que trasladan ás persoas
visitantes, descalzas sobre a area, a un escenario de persecución a
través do deserto.
Carne
y Arena non está permitida a menores de 14 anos e tampouco
recomendada a persoas con problemas cardíacos, antecedentes de
convulsións, epilepsia ou sensibilidade ás luces intermitentes.
Recoméndase consultar toda a información sobre as condicións de
acceso na web da Cidade da Cultura.