A nova campaña de Halo 3 cambia de nome

Bungie anunciou que a expansión de Halo 3 prevista para o outono de 2009 non conservará o nome anunciado nas últimas semanas para adoptar o de Halo 3: ODST (en referencia ao personaxe que controlaremos no xogo, que será un Orbital Drop Shock Trooper en vez do habitual Master Chief). Segundo parece a denominación do xogo coma Halo 3: Recon podería levar aos usuarios a confusión, e pensar que se trataría dun xogo no que se manexaría a un poderoso soldado Spartan, polo que piden que se esqueza o nome inicial.
Por desgraza o anuncio do cambio do nome non veu acompañado de máis información sobre a nova campaña de Halo 3.