A película de LEGO estrea videoxogo para iOS

xoves, 22 de xaneiro do 2015 Marcus Fernández

Aínda que xa hai tempo que a película de LEGO chegou á grande pantalla, ao mercado doméstico e incluso ás consolas de videoxogos domésticas, por fin estréase na App Store a un prezo de 4,99 euros La LEGO Película: El Videojuego, de xeito que xa pode gozarse en smartphones partindo do iPhone 4S e en tabletas a partires do iPad 2.
Este novo xogo viviremos a aventura de Emmet para salvar o mundo que puidemos ver no filme orixinal, de onde saen máis de 90 personaxes diferentes entre os que non faltan Batman, Superman ou Gandalf.
A acción transcorrerá por máis de 45 niveis como Ladriburgo ou a Nube Cucolandia, poderanse coleccionar e utilizar páxinas de instrucións de LEGO para construír dun novo xeito, poderase empregar o poder dos Mestres Construtores para construír extraordinarias creacións de LEGO e contando en todo momento cun estilo de animación visual que recrea o movemento dos xoguetes LEGO dun xeito real.
Cómpre destacar que estamos ante un xogo con moitos contidos que achegará horas de diversión que ocupa 1,1 GB, pero que precisa de 2,2 GB para a súa instalación se a facemos a través de Wi-Fi, polo que antes da súa instalación recoméndase liberar o espazo necesario e reiniciar o dispositivo para un bo desempeño do xogo.


Trailer de La LEGO Película: El Videojuego para iOS

PUBLICIDADE