A piratería de videoxogos podería erradicarse nun par de anos

luns, 11 de xaneiro do 2016 Marcus Fernández

Os sistemas de protección dos videoxogos foron mudando moito ao longo do tempo (títulos como Monkey Island optaban por sistemas de claves que se resolvían mediante un accesorio físico).

Coa chegada das consolas de nova xeración, que se caracterizan por depender aínda máis de conexión á Internet e actualizacións frecuentes, a piratería de videoxogos pasou a converterse nun fenómeno case esquecido, quedando relegada aos xogos para PC, que son os que continúan a ser vulnerables a esta lacra, o que posiblemente non dure moito tempo se atendemos a declaracións de varios grupos de crackeo, que ante a evolución constante dos sistemas de cifrado e protección estiman que en cousa dun par de anos será imposible facer copias ilegais dos novos xogos para ordenadores persoais.
Este preocupación para certos investigadores e usuarios chegou co xogo Just Cause 3, que inclúe a protección Denuvo, o que impediu que hoxe aínda non estean circulando pola Rede copias do xogo desprotexidas pese a que falamos dun xogo que leva máis dun mes á venda.
Poucas veces un xogo conseguiu superar uns días ao seu crackeo, pero ultimamente están a xurdir xogos que conseguen manterse libres da piratería durante meses, de xeito que ese problema deixa de ser tal, xa que superadas as primeiras semanas da venda dun xogo a aparición de sistemas que vulneren as súas proteccións non afecta aos seus resultados económicos (xa os usuarios que os usuarios que optan a xogar a títulos pirateados en tal momento en ningún caso mercarían o xogo orixinal).
Que as tecnoloxías de protección actuais consigan que un xogo poida estar a salvo varios meses pode supor a práctica desaparición da chamada piratería, especialmente no caso de xogos con entregas anuais, xa que, pasada a febre inicial os xogadores xa teñen a vista posta na seguinte entrega.

PUBLICIDADE