A preincubadora da Tecnópole e a UVigo buscan novos proxectos innovadores
xoves, 21 de decembro do 2017
A
preincubadora
de proxectos empresariais que Tecnópole (Parque Tecnolóxico de
Galicia) promove en colaboración coa Universidade de Vigo anda na
procura de novos ocupantes por sétimo ano consecutivo. Os
gañadores dos premios INCUVI-Emprende do Campus de Ourense
(Universidade de Vigo), que teñen o prazo de presentación aberto
ata o 19 de xaneiro, instalaranse no Centro de Empresas e Innovación
(CEI) do Parque Tecnolóxico de Galicia para desenvolver a súa idea
de negocio. O proceso artéllase en tres fases: unha entrevista
persoal, un obradoiro de ideas e unha presentación ante unha
comisión.
Segundo informa a Tecnópole, até o 19 de xaneiro de
2018, tanto os alumnos que estean a cursar algún grao, máster ou
doutorado, como as persoas tituladas no curso 2014/2015 ou
posteriores, poderán presentar propostas para participar no concurso
de ideas. En caso de gañar algún dos premios, subministraráselles
un programa de preincubación dun ano de duración para converter os
seus proxectos en empresas.
Os gañadores instalaranse nas
preincubadoras de cada un dos tres campus da Universidade: seis na
Cidade Universitaria no Campus de Vigo; catro en Tecnópole en
Ourense e dous na Asociación de Empresarios Novos en Pontevedra.
Ademais, incorporaranse a un programa dun ano de duración, no que se
desenvolverán actividades formativas e de asesoramento e seguimento
dos proxectos, asà como a subvención, durante o mesmo perÃodo, dos
custos de estancia nos espazos de traballo de cada campus.
A
sétima edición dos Premios INCUVI-Emprende conta coa colaboración,
por primeira vez, da Xunta de Galicia, que se suma á Zona Franca de
Vigo, Asociación de Empresarios Novos de Pontevedra, Tecnópole e
Cidade Universitaria.