A privacidade, a xenética e a Intelixencia Artificial, claves temáticas da X Xornada Iuristicgal
mércores, 20 de outubro do 2021
Este
21 de outubro toca falar de privacidade, xenética e Intelixencia
Artificial. Tres cuestións candentes que servirán de alicerce
temático á X Xornada de
Informática Xudicial que organiza o Colexio Profesional de Enxeñaría
Técnica en Informática de Galicia (CPETIG). Na apertura do
evento participarán o vicepresidente primeiro e conselleiro de
Presidencia, Alfonso Rueda; a directora da AMTEGA, Mar Pereira; e o
presidente do CPETIG, Marcos J. Mata.
Os
mecanismos para garantir a privacidade, os medios de proba eficaces
na loita contra os ciberdelitos, o tratamento de datos xenéticos e a
intelixencia artificial como apoio da labor xudicial serán
protagonistas da décima edición da Xornada de Informática Xudicial
e Delitos Informáticos Iuristicgal, que se celebra este 21 de
outubro en formato mixto, presencial e streaming, no GaiásTech
(Cidade da Cultura de Galicia, en Santiago de Compostela).
A
organización da xornada conta co apoio da Axencia para a
Modernización Tecnolóxica (AMTEGA) no marco do convenio asinado co
CPETIG para a realización de actuacións de formación, capacitación
e promoción no ámbito das TIC en Galicia.
O
obxectivo desta edición é “dotar de maior seguridade xurídica á
nova realidade tecnolóxica ao tempo que incrementar a efectividade e
a eficiencia da administración xudicial co uso das novas ferramentas
electrónicas e forenses avanzadas”.
Relatores
expertos
A
xornada está estruturada en catro relatorios e rematará cunha mesa
redonda na que os relatores, xunto aos participantes, debaterán
sobre o poder da tecnoloxía na protección dos dereitos da cidadanía
e a optimización do funcionamento da xustiza.
Os
catro convidados expertos que impartirán os relatorios principais da
xornada son:
-Juan
Corvalán, fiscal xeral adxunto de Bos Aires (Arxentina) e
creador e desenvolvedor de Prometea, un sistema pioneiro de
asistencia virtual mediante Intelixencia Artificial para a redacción
de documentos xudiciais que emprega o Ministerio Público Fiscal da
Cidade Autónoma de Buenos Aires desde 2018 (en streaming).
-Eloy
Velasco, maxistrado da Audiencia Nacional; antigo director xeral
de Xustiza da Generalitat Valenciana, destacado investigador da
aplicación do Dereito ás novas tecnoloxías e autor de libros como
Ejecución de sentencias penales (editorial Cólex, 1994) y
Delitos tecnológicos: definición, investigación y prueba en el
proceso penal (editorial Sepin, 2016), entre outros (en
presencial).
-Pilar
Nicolás Jiménez, profesora de Dereito e investigadora da
Cátedra de Dereito e Xenoma Humano da Universidade do País Vasco;
participante en 12 proxectos de investigación nacionais e 10
internacionais, divulgadora científica e coordinadora do
International Legal and Ethical Advisory Board de la Rare Anaemias
Disorders European Epidemiological Platform (en presencial).
-Carmela
Troncoso, enxeñeira de Telecomunicacións e investigadora galega
especialista en privacidade. Profesora na Escola Politécnica Federal
de Lausana, Suíza, onde está á fronte do laboratorio Spring
(Impacto do aprendizaxe automático na sociedade: seguridade,
privacidade, equidade; enxeñería de sistemas de preservación da
privacidade e marcos para a avaliación da privacidade). Fundadora do
protocolo DP-3 T adoptado por Apple e Google nas súas aplicacións
de rastrexo COVID (en streaming).
Inscricións
A
inscrición na xornada para
o público xeral está aberta a través de web do evento, onde
tamén está dispoñíbel o programa completo.