A sede xudicial electrónica xa rexistrou centos de procedementos monitorios
luns, 18 de febreiro do 2019
Nos últimos cinco meses de 2018 os galegos
presentaron a través da sede xudicial electrónica, fito previsto no Plan Senda
2020, un
total de 270 procedementos monitorios, unha fórmula xudicial para reclamar
impagamentos, que non precisa da intervención dun avogado ou dun procurador.
A presentación telemática de procedementos
monitorios comezou a implantarse o pasado ano nos órganos xudiciais de Vigo e A
Coruña e, actualmente, xa está habilitada en todos os partidos xudiciais para
os procedementos monitorios das xurisdicións civil ou social.
A través da sede xudicial electrónica os
cidadáns tamén poden facer un seguimento do procedemento e consultar os
expedientes xudiciais dos que son parte través do espazo a miña carpeta, que durante 2018 rexistrou máis de 11.000 accesos.
Na sede tamén se pode comprobar a
autenticidade e integridade de documentos electrónicos emitidos pola
Administración de Xustiza en Galicia, e dar de alta un aproderamento de xeito
electrónico rexistrar un apoderamento apud
acta. O obxectivo é que a sede se consolide como canle única para todas as
actuacións, procedementos e servizos do ámbito xudicial.
Cómpre lembrar que a sede está accesible tamén
a través do portal xustiza.gal, no que están dispoñibles a axenda de
sinalamentos de vistas, o calendario de gardas a calculadora de taxas xudiciais
ou o censo de letrados.