Unha aplicación móbil fará as funcións da tarxeta Millennium da Coruña
xoves, 13 de decembro do 2018
A edil de
Participación e Innovación Democrática da Coruña, Claudia Delso, e o
concelleiro de Mobilidade Sustentable, Daniel DÃaz GrandÃo, presentaron
esta mañá o proxecto Coruña Millennium Próxima, unha
aplicación que permitirá que a veciñanza poida efectuar o pagamento no servizo
de transporte público urbano, asà como a recarga da tarxeta moedeiro municipal,
desde o seu propio teléfono móbil. A iniciativa propón axilizar o sistema de
pagamento no autobús, ademais de axudar a aumentar a velocidade comercial do
transporte público e a atención da administración á cidadanÃa desde unha
perspectiva «acorde aos tempos, máis eficiente, áxil e tecnolóxica», segundo
apuntou a edil.
A aplicación nace da
fusión de dúas propostas gañadoras nos Orzamentos Participativos do
ano 2016. A primeira delas solicitaba, por unha banda, que o transporte público
se puidese pagar dende o teléfono móbil, ademais de facilitar a recarga do
cartón sen ter que realizar un desprazamento fÃsico a un caixeiro ou unha
oficina bancaria. A segunda iniciativa veciñal instaba a poder xestionar en
liña a tarxeta, co obxectivo de poder solicitala ou consultar, desde o
teléfono, tanto o saldo como como realizar a recarga de abonos pendentes.
«Estamos a falar dun
proxecto complexo, impulsado desde a área de Innovación Tecnolóxica e no que o
Concello investiu 60.000 euros», explicou Delso, quen destacou «a negociación e
chegada a acordos tanto coa CompañÃa de TranvÃas para a instalación dos
dispositivos nos autobuses como con Abanca, responsable da pasarela de pago,
para poder garantir a viabilidade da aplicación».
A aplicación Coruña Millennium
Próxima comezará a vindeira semana o perÃodo de probas
entre un grupo de persoas usuarias da liña de autobús 1A, na que se instalará
un novo dispositivo para poder ofrecer este servizo. A previsión é que, a
partires do mes de marzo, a aplicación poida estar dispoñible para a súa
descarga gratuÃta, para toda a cidadanÃa, en Google Play. O servizo poderase
utilizar, polo momento, desde dispositivos Android con NFC.
«Calquera persoa,
sexa residente ou non na Coruña, poderá ter a Millennium Próxima no seu móbil
sen ter que acudir ás oficinas municipais, e poderá recargala sen pasar por un
caixeiro. Tan só precisará realizar un rexistro previo na propia app»,
salientou Delso engadindo que «esta app introduce unha funcionalidade clave a
medio-longo prazo, como é a identificación dixital. Grazas ao rexistro único, e
mediante códigos QR, a idea do goberno é integrar a aplicación con outros
servizos municipais e que a veciñanza poida utilizar tamén a aplicación cos
usos da actual Millennium en BiciCoruña ou nas bibliotecas».
O responsable de
Mobilidade Sostible, Daniel DÃaz GrandÃo, explicou o funcionamento da app, que
consistirá na aproximación do dispositivo móbil á canceladora dos autobuses,
que efectuarán de inmediato a rebaixa no saldo da persoa usuaria. «Coruña Millennium Próxima replicará á tarxeta fÃsica.
No momento da descarga da app, e tras a primeira recarga, a cidadanÃa poderá
acceder, entre outras cuestións, á tarifa reducida do perfil xeral que ofrece a
tarxeta, e que supoñen actualmente 0,85€ por viaxe, ou mesmo á realización de
transbordos gratuÃtos», dixo GrandÃo, quen aseverou que, ao igual que a tarxeta
fÃsica, a app «será personalizada e segura, e dará acceso a un perfil de tarifa
concreto». A persoa usuaria poderá consultar na aplicación o estado do
seu moedeiro, recargar o saldo, xestionar o seu perfil, facer as recargas de
abonos pendentes, ou consultar, por exemplo, histórico de viaxes. Coruña
Millennium Próxima tamén dará a posibilidade de recibir e
personalizar as notificacións relevantes sobre incidencias no servizo de
transporte ou da cidade, como o incidencias puntuais de paradas ou problema do
tránsito da súa liña.