A tarxeta de compra de El Corte Inglés xa é compatible con Samsung Pay
xoves, 20 de xullo do 2017
Hai menos dun mes o
Banco Santander comezou a operar con Samsung Pay, de xeito que os
posuidores de tarxetas bancarias da entidade bancaria que contasen cun
smartphone de Samsung con NFC e lector de pegadas dixitais poden pagar xa co
móbil, realizándose os cargos á súa tarxeta habitual, unha operativa moi áxil,
cómoda e segura que a partires de agora tamén está dispoñible
para os usuarios da tarxetas de El Corte Inglés.
El Corte Inglés convértese no primeiro emisor de tarxetas privadas do mundo en
sumarse a Samsung Pay, de xeito que os seus clientes poderán pagar as compras nos
seus puntos de venda dun xeito seguro, rápido e sinxelo directamente co seu
teléfono, sempre que sexa un dos modelos compatibles (Samsung Galaxzy S8/S8+,
S7/S7 edge, S6/S6 edge/S6 edge+ ou A5 2016/2017).
Unha vez que os clientes de El Corte Inglés engaden a súa tarxeta dentro da
aplicación de Samsung Pay xa non precisarán levar a súa tarxeta de compra para
realizar pagamentos nos establecementos que aceptan esta forma de pago, e co
gallo deste lanzamento os usuarios que fagan uso da súa tarxeta de El Corte
Inglés a través de Samsung Pay antes do 31 de agosto para compras de a partires
de 10 euros recibirán 10 euros de bonificación (que reflectirase no resumo de
compras dos meses de setembro e outubro).
- Momento no que anunciaron ante os medios a integración de Samsung Pay coa tarxeta de El Corte Inglés