A transformación dixital dende o punto de vista humano e xurídico, a debate na USC
xoves, 15 de novembro do 2018
O
vindeiro 29 de novembro a Facultade de Dereito da USC vai acoller
unha xornada sobre as transformacións produtivas que estamos a vivir
dende o punto de vista xurídico-laboral, mostrando as consecuencias
que podería ter o que se coñece como Industria 4.0 (a apoiada polos
sistemas tecnolóxicos intelixentes) en relación ao traballo.
Estamos
a falar da sesión A dixitalización da empresa. Os retos da
empresa na economía dixital.
Nela,
amais do devandito, abordarase tamén o futuro do sector
financeiro e bancario (poñendo o foco no eido fintech) así
como os desafíos xurídicos que presenta a ciberseguridade, a
publicidade, a protección de datos persoais e o que se coñece como
información a gran escala (Big Data).
A
actividade está organizada pola Rede Empresa e Administración en
colaboración do Centro de Estudos de Seguridade (CESEG) e o Centro
de Responsabilidade Social, Goberno Corporativo e Protección do
Inversor da USC (CERGI).
Segundo
explican as entidades organizadoras da xornada, “a sociedade e a
economía afrontan actualmente os retos da cuarta revolución
industrial cunha serie de cambios, procesos e tecnoloxías
disruptivas que nos sitúan nun escenario que fusionará o físico, o
dixital e o biolóxica”. No futuro, engaden, albíscanse “novas
realidades como as Cidades Intelixentes, o Internet das Cousas ou a
Realidade Aumentada, tecnoloxías como a Intelixencia Artificial ou o
blockchain, a edición xenética ou a computación cuántica”.
Entre os obxectivos principais da xornada do 29 de novembro figura o
de achegar debate e reflexión acerca dos devanditos fenómenos, os
seus desafíos e as súas consecuencias, asentando o alicerce para
facer continua no tempo, dende a USC, unha análise pormenorizada
sobre o seu “enorme impacto económico e xurídico”.